Karyera
Əsl dəyər yaradaraq Azərbaycanın milli sərvətini məsuliyyətlə, indiki və gələcək nəsillərin xeyrinə idarə etmək. Öz potensialınızı mənalı və dəyər yaradan işdə reallaşdırmaq istəyirsiniz?
İşə qəbul prosesi
Şəffaf, ədalətli və səriştə əsaslı işə qəbul prosesi.
ARDNF-də inanırıq ki, ən yaxşı istedadları cəlb etməyin yolu hər bir namizədə ədalətli və obyektiv yanaşmaqdan keçir. İşə qəbul prosesimiz bacarıqların, təcrübənin və potensialın qiymətləndirilməsinə əsaslanır. Obyektiv qiymətləndirmələr, strukturlaşdırılmış müsahibələr və proses boyu aydın ünsiyyət vasitəsilə hər bir namizədə özünü ən yaxşı şəkildə göstərmək imkanı yaradırıq.
Biz beynəlxalq qabaqcıl təcrübələrə uyğun fəaliyyət göstərir, prosesin hər mərhələsində şəffaflığı, peşəkarlığı və qarşılıqlı hörməti əsas prinsip kimi rəhbər tuturuq.
İşə qəbul mərhələləri
Müraciət və ilkin seçim
Müraciətinizi və təcrübənizin vakansiyanın tələblərinə uyğunluğunun qiymətləndirilməsi.Qiymətləndirmə
Vəzifədən asılı olaraq müvafiq qiymətləndirmə mərhələləri.
Müsahibə
Təcrübəniz, motivasiyanız və səriştələrinizlə daha yaxından tanış olmaq üçün görüş.
Təklif və işə qəbul
Uğurlu namizədlərə əməkdaşlıq təklifi və növbəti addımlar barədə məlumatın təqdim edilməsi.
Tez-tez verilən suallar
Açıq vakansiya üçün müraciətimi necə təqdim edə bilərəm?
Bütün müraciətlər ARDNF-nin rəsmi Karyera səhifəsi vasitəsilə onlayn şəkildə təqdim edilməlidir. Maraqlandığınız vakansiyanı seçin, müraciət düyməsinə klikləyin, CV-nizi yükləyin və müraciət formasını doldurun. Cari vakansiyalarla tanış olmaq üçün aşağıdakı keçiddən istifadə edə bilərsiniz:
Elan edilmiş vakansiya üzrə namizədlər necə qiymətləndirilir?
Müraciətlər vəzifənin tələbləri, tələb olunan bacarıqlar və səriştələr əsasında nəzərdən keçirilir. Vakansiyanın xüsusiyyətlərindən asılı olaraq namizədlər test, müsahibə, praktiki tapşırıq və ya digər qiymətləndirmə mərhələlərinə dəvət oluna bilərlər.
Seçim prosesi neçə mərhələdən ibarətdir?
İşə qəbul prosesi adətən dörd əsas mərhələdən ibarətdir. Bununla belə, vəzifənin xüsusiyyətindən asılı olaraq mərhələlərin sayı və məzmunu fərqlənə bilər. Namizədlər proses barədə ətraflı məlumatı ilkin əlaqə zamanı əldə edirlər.
Namizədlər növbəti mərhələyə keçid barədə necə məlumatlandırılır?
Namizədlər işə qəbul prosesinin bütün mərhələləri üzrə karyera platformasında yaratdıqları profil vasitəsilə, eləcə də zəruri hallarda telefon və ya elektron poçt vasitəsilə məlumatlandırılırlar. Növbəti mərhələyə keçməyən namizədlərə də müraciətlərinin nəticəsi barədə müvafiq bildiriş təqdim olunur.
Bizim üçün işə qəbul yalnız seçim prosesi deyil, ARDNF ilə ilk tanışlıq təcrübəsidir. Buna görə də hər bir namizədə peşəkarlıq, şəffaflıq və hörmət prinsipləri əsasında yanaşırıq