ARDNF-nin borc öhdəliklərinə investisiyaları əsasən suveren, dövlət agentlikləri, beynəlxalq təşkilatlar və korporativ istiqrazlara olan investisiyalardan ibarətdir. Bu investisiyalar ABŞ dolları, avro, ingilis funt sterlinqi, Çin yuanı, türk lirəsi və Avstraliya dollarında ifadə olunan altportfellər arasında bölüşdürülmüşdür.
Hər altportfelin müvafiq hədəf gəlirliliyi (bençmark) indeksi mövcuddur. Bu bençmarklar investisiyaların həcmini və bölgülərini müəyyən edir və onların gəlirliliyini ölçmək üçün əsas götürülür. ARDNF-nin gəlirliliyinin bençmarklara uyğun olmasını təmin etmək məqsədi ilə investisiyalarda bu bençmarkların bölgüləri və digər xüsusiyyətləri nəzərə alınır.
Bundan əlavə, Fond risklərin idarə edilməsi və portfelin səmərəli idarə edilməsi məqsədləri üçün törəmə maliyyə alətlərindən istifadə edir. Bençmarka nisbətən əlavə gəlirlilik əldə etmək üçün bazar şəraitinə və iqtisadi gözləntilərə əsaslanan təhlillər edilməklə, mövcud investisiyalara taktiki dəyişikliklər edilir.
ARDNF-nin borc öhdəliklərinə investisiya portfelinin yerləşdirilmə müddəti üzrə təsnifatı
ARDNF-nin borc öhdəliklərinə investisiya portfelinin kredit reytinqləri üzrə təsnifatı
Valyutalar üzrə investisiya bölgüsü
| Valyuta | İnvestisiya məbləği (milyon ABŞ dolları) | Faiz payı |
|---|---|---|
| ABŞ dolları | 8,792.76 | 40.17% |
| Avro | 8,304.40 | 37.93% |
| İngilis funt sterlinqi | 2,686.82 | 12.27% |
| Çin yuanı | 1,634.98 | 7.47% |
| Səudiyyə Riyalı | 210.50 | 0.96% |
| Türk lirəsi | 143.35 | 0.65% |
| Avstraliya dolları | 118.45 | 0.54% |
