Karyera

Ölkənin ən böyük suveren investisiya fondlarından birinin bir hissəsi olmaq istərdinizmi?

ARDNF-də siz yalnız bir iş yeri deyil, həm də peşəkar inkişaf və uzunmüddətli karyera qurmaq imkanı tapacaqsınız. Burada öyrənmək, peşəkarlarla əməkdaşlıq etmək və həm ölkə, həm də qlobal miqyasda əhəmiyyətli layihələrdə iştirak etmək fürsəti əldə edə biləcəksiniz.

ARDNF-də işləyərkən Siz peşəkarlıq, məsuliyyət, kreativlik kimi mühüm keyfiyyətlər əldə edir, habelə öz işini bilən mütəxəssislərdən ibarət mehriban, möhkəm, səmimibir kollektivdə işləməklə, ixtisasınızı artırmaq və böyük təcrübə toplamaq imkanına malik olursunuz.

Belə bir gənc, eyni zamanda ciddi, loyal, nailiyyətli və peşəkar təşkilatda və kollektivdə işləmək Sizin gələcək karyeranızda mühüm rol oynaya bilər.

Əməkdaşlarımız bizim ən dəyərli sərvətimizdir. Öyrənmə və inkişafa (L&D) baxışımız hər bir əməkdaşı gələcəyin tələblərinə uyğun bacarıqlarla təmin etməyə, liderlik potensialını inkişaf etdirməyə və davamlı öyrənmə mədəniyyətini formalaşdırmağa yönəlib. Strateji tərəfdaşlıqlar və innovativ təlim proqramları vasitəsilə fərdi inkişafı ARDNF-nin missiyası və dəyərləri ilə uzlaşdırırıq — beləliklə, əməkdaşlarımız yalnız doğru biliklərə sahib olmaqla deyil, həm də doğru addımları atmaqla fərqlənirlər.

ARDNF-də təlim və inkişaf yanaşmamız yenilənir. Artıq yalnız ənənəvi, bir istiqamətli təlimlər təqdim etməkdən deyil, öyrənmə mədəniyyətini gücləndirməkdən danışırıq — burada əməkdaşlar öz inkişaflarının sahibinə çevrilir, rəhbərlər inkişafa təşviq edən rolda çıxış edir və öyrənmə prosesi gündəlik iş təcrübəsi, düşünmə və əməkdaşlıq vasitəsilə davamlı olaraq baş verir.

Bizim proqramlarımız:

• Liderlik inkişafı

• Peşəkar səriştə və ixtisaslaşma təlimləri

• Qlobal təcrübə və tərəfdaşlıq üzrə təlimlər

ARDNF-də performansın idarə edilməsi təşkilati inkişafın əsas amillərindən biridir. Bu yanaşma əməkdaşların məhsuldarlığını artırır, şəffaflığı təmin edir, peşəkar inkişafı dəstəkləyən mühit yaradır və hər bir əməkdaşın potensialının üzə çıxmasına şərait yaradır.

Nəticə etibarilə performansın idarə edilməsi əməkdaşlarımız üçün karyera inkişafı imkanlarını genişləndirir və onların Fondun strateji hədəflərinə daha effektiv nail olunmasına töhfə verməkdə daha aktiv iştirakına yol açır. Bizim performans sistemimiz rəhbərlər və əməkdaşlar arasında davamlı dialoqu təşviq edir və fərdi məqsədləri Fondun strateji hədəfləri ilə uyğunlaşdırır.